http://anaryan.hi5.com
Sarfaroshi ki tamanna ab hamaray dil meiN hai,
dekhna hai zor kitna baazuay qaatil meiN hai
karta nahiN kyuN doosra kuch baat cheet,
dekhta hun maiN jise voh chup teri mehfil meiN hai
ay shaheed-e-mulk-o-millat main teray oopar nisaar,
ab teri himmat ka charcha ghair ki mehfil meiN hai
waqt aanay dey bata deNge tujhe ay aasmaN,
ham abhi se kya batayeN kya hamare dil mein hai
khainch kar layee hai sab ko qatl honay ki ummeed,
aashiqoN ka aaj jumghat koocha-e-qaatil meiN hai
No comments:
Post a Comment